2006-06-05(一)．天晴．返港

去左成個星期, 竟然走o個日勁好天...!!一早5點就要起身, 雖然其實成晚都訓唔到, 蕾蕾都係, 不停成晚轉尼轉去。梳洗好執好野, 就等蕾蕾姨媽車我o地去機場。

去到機場, 終於見到我夢寐以求的郵局啦!! 之前成日搵, 搵到又關左門, 一係搵到指示牌, 但跟住佢走, 但行極都搵唔到。但係問題又出現啦, 佢得個賣郵票機, 仲要你入你想要幾多錢同幾多張郵票, 佢就出張打印面額的郵票俾你。佢又冇野寫住寄post card 返香港要幾多錢, 於是我就將身上剩返的台幣買左一張NT32同一張NT25 的郵票, 我唔相信HKD8 都寄唔到返香港!!

check in 的時候見到有部報紙售賣機, 第1次見, 好新鮮!

今次冇講佢主動比左窗邊位我, 坐正係機翼隔離。不過d 景超靚, esp 係見到半個島加個海仲有好多好靚的雲係隔離, 可惜冇映到相...

可能因為幾好天的關係, 今次飛得比去台灣o個時穩定好多, 係去到香港, 見到d 雲灰灰o地, 差唔多降落的時候先有急降的情況出現, 不過雖然得一下...但d離心力好似比上次仲勁....

我一袋去, 2袋返, 蕾蕾仲勁, 一袋去4袋返, 拎死我o地-.-原來E22A只係我樓下上客, 但唔會落客, 所以我搭到新都城, 再搭的士返屋企樓下, 如果唔係, 由南豐行返屋企, 我會死...因為去到新都城落左車, 行去的士站o個段咁短的路程, 都拎到我死下死下, 對手勁痛, 膊頭同條頸仲痛...

今個旅行, 機票1800, 加去台灣時使左2800, 都只係4600, 比我想像中少錢, 不過如果我唔買書仲平, 買書好似都買左1千多d。返到尼執左好耐書櫃先放得曬d 書。

夜晚12點訓, 訓到第2日12點, 哈哈, 爽。

報紙售賣機

2006-06-04(日)．有雨．西門町．萬年大廈．e書漫

一起身又係唔知去邊好, 食完早餐, 就等埋蕾蕾阿姨, 姨媽一齊去食lunch, 今次一早係食日本野--拉麵。d 野食唔錯, 不過有好多蚊係入面飛尼飛去, 我應該都係係o個度比蚊咬左...跟住佢姨媽帶我o地去買左條衫用尼做手信之後就去西門町(again!)

上次冇行過萬年大廈(個名應該係咁...), 今次去左行, 買左我心愛的jack 公仔, 7隻都只係NT200, 計返1隻都唔使10蚊HKD!! 仲見到好多木製的叮噹公仔, 超靚, 不過好貴...有d似旺中咁, 有好多精品店同賣衫褲鞋襪的鋪頭。跟住仲見到間香港未見過的鋪頭, 佢o地有好多間房同DVD, VCD 可以比人借, 你可以約埋成班fd 一齊去睇碟, 錢就係好似段鐘計, 仲可以叫野食野飲入去。睇想睇碟唔使再係屋企睇, 幾正咁。

行完之後冇野好做, 於是決定去e 書漫睇漫畫。入面有好多漫畫, 有小說, 有雜誌, 每人會比間房仔, 雖然冇門同個隔版只係到頸咁上下, 環境都唔錯, 有sofa坐。有唔少人係入面訓覺, 聽到有鼻寒聲-.- 連電腦1個鐘NT80, 唔連電腦NT70, 野飲任飲, 都幾平, HKD20蚊一個鐘, 但我睇漫畫睇得慢..睇完一本d 錢都夠我買一本...蕾蕾睇得勁快就超抵。不過冇野做, 冇地方去, 想搵定坐下, 抖下唔使淋雨, 呢個都係一個唔錯的選擇。

如果唔係要趕去老天祿買野, 可能坐到成9點都唔出奇。7點到, 我o地就趕去買今日出尼的目的--鴨舌。都幾多人係度買野, 雖然我唔食內臟, 但點都要買返d 手信俾屋企人, 不過唔知佢o地鐘唔鐘意食。夜晚的士林熱鬧好多, 好似會多好多野行咁。

晚餐, 我o地去屋企附近的coffee shop 度飲咖啡解決算, d 咖啡都幾貴, 30幾蚊一杯, 貌相唔錯, 不過牛奶朱古力咖啡冇朱古力味, 又唔係好夠甜...

最尾一日的台灣之旅就咁結束。

捷運站映的士林夜市, 好似馬戲團

e書漫

2006-06-03(六)．晴天．信義區華納威秀．誠品

已經想去的地方都去左, 唔知仲有咩地方好去, 唯有搵戲睇, 反正返左香港都會睇, 所以就去左信義區的華納威秀睇海神號, 經過今次之後, 我終於證實左台灣睇戲係冇得揀位的! 因為連咁大間的戲院都冇得揀(有17個放映室), 講完戲名同時間之後佢就咁同我o地講話個位係中間, 幾好, 問我o地要唔要...係中間...好廣泛je...第一行的中間都係中間呀...好彩入左場個位都ok。今次睇仲貴, 70幾蚊(NT290)...最尾我都係搵唔到我隻2米高的賓尼兔, 賓尼兔, 我想同你映相呀!!

跟住又去多次誠品! 仲拍左d底b片。然後5點幾肚餓去左B2食豬扒飯, 蕾蕾食饅魚飯, d 豬扒同饅魚都好大件, 但飯就好左d, 男仔食一定唔夠食, 同埋...唔係咁好食...我o地尼左差唔多1個星期, 學左台灣人d 生活習慣-.- 勁早食晚飯。

華納威秀, 星期六, 好多人

唔知咩超人, 佢好似冇著底褲

101 大樓, 似蠟燭多過似竹, 請留意佢右下o個舊建築勁似香港的機場, 抄襲!!

2006-06-02(五)．微雨．九份

今朝起身, 又落雨, 原本之前諗住今日6點起身先去十分瀑布再金瓜石,跟住先去九份,夜晚去基隆夜市。不過之前落左咁多日雨, 蕾蕾姨媽話去十分瀑布會危險, 同埋起身都落緊雨, 所以決定唔去, 咁我o地仲可以訓遲d, d 時間可以flexible d。(原本話九份係山, 又多石級, 叫我o地九份都唔去, 不過咁就冇咩地方好去, 同埋o個度旅遊區, 10點到又開始停雨, 所以就照去九份。)

首先我o地搭捷運去台北車站, 再轉火車。係火車站見到唔少奇怪野...例如,"身心障礙電梯"....連心有事都歧視....上車時我o地上左女性專用車廂, 但係.....坐我o地隔離的就係一個大男人.....之後車長查飛都冇理佢, 連個車長最尾都坐埋係呢個車廂度......跟住每隻車門旁都有個牌寫話如果車門關唔到, 就掛上條鏈, 以策安全, 牌下面就係一條好粗的鏈.....

去金瓜石的黃金博物館, 向我o地的尋金之旅出發。......點知, 未見到舊金, 我o地的黃金夢就破滅左......!! 竟然尋日開始休館12日...嗚...

冇野睇, 唯有返九份, 九份都幾多野食, 淡水好多鐵蛋同魚穌, 九份就好多麻薯。九份個樣有d 似調景嶺, 又係一條窄的街, 有野食, 有好多石級, 係一座山同好多斜路。九份都有唔少日本人, 有個台灣人仲以為我o地係日本人, 同我o地講英文, 哈哈。我仲買左成4個陶笛添, 好靚好得意。

夜晚我o地終於可以自己食晚餐啦, 係屋企附近的"好一個夢餐廳"到食, 入到去發覺出事...會唔會入左黑店, 台灣人雖然好早食飯(6點食...), 但都冇理由2層樓高的餐廳竟然得我o地2個客!!況且都只不過係7點到...d野食都一段時間先送到尼, 個貌相都唔差, 食落又幾好味喎, 可能因為冇客, 所以落單先煮, 意粉彈牙, 好好味。雪糕以為會係細細舊的, 點知勁大舊, 仲好靚, 咖啡聽聞都好靚, 不過我去左廁所, 蕾蕾等唔澈就攪拌左杯咖啡, 冇得睇。台灣食野都唔平, 不過自己2個食, 開心好多, 輕鬆好多, 哈哈。

呢日應該係成個台灣之旅最好玩的一日。

唔係呱....-.-

好似好危險咁...會關唔到門....

嗚...我舊金呢....
九份名產!!

雪在燒, d花生碎係舊大花生糖度磨出尼, 上面放舊雪糕, 不過d雪糕冇咩味...
勁大舊花生糖

雖然個天好黑, 好多雲, 不過都幾靚(右上o個個島好夢幻)

似調景嶺嘛?

我個蕃茄海鮮意大利粉, 好好味

士多啤利咪雪糕

餐廳入面好得意的調味料樽

胡椒同鹽第1次咁親蜜

我買左的陶笛

2006-06-01(四)．間中陽光．淡水．搜奇博物館．漁人碼頭

有時陰陰o地天, 有時有好似有陽光出尼, 天氣都算唔錯。都幾多野食, 幾多野行, 好玩過西門町好多好多, 仲有勁多鐵蛋賣。可能因為尋日係端午節, 所以今日有節目, 又有d 著住士兵衫的人係度巡遊(唔知係咪士兵尼), 同埋不停放炮長。

跟住行過見到有間搜奇博物館, 有奇怪野睇, 不過間野都幾細, 好快睇完, 門口條蟲真係好核突, 最怕d 一條條郁郁下的野...原本係入面映左好多核突相, 不過由於本人全部映之前都冇對焦的關係, 大部份都模查查, 哈哈-.- 入面仲有條好肥大好似就死就死的金色大蟒蛇, 話可以掛佢係條頸度映相.....救命.....好惡心......

食完野就去魚人碼頭, 大風到行都行唔郁咁濟。原本我想行耐少少, 同行近d 條橋映相, 不過蕾蕾頂唔順, 行左幾分鐘就搭返車走人。

晚餐同蕾蕾阿姨佢o地去天母新光三越食豬扒飯。

個海中心好似有旋渦咁

有馬騎!!

巡遊(?)

路過見到有間snoopy land 好靚

搜奇博物館 好核突呀...

情人橋

2006-05-31(三)．陰天．中正紀念堂．京華城．書局街

不停落左起碼50小時的雨終於都停了, 好開心, 可以唔使再拎住把遮勁麻煩, 辛苦同狼狽咁行街啦。

因為係公眾假期的關係, 蕾蕾姨長車我o地去中正紀念堂, 途中路過一坐三尖八角的建築物, 叫五角銅版, 好似係食野的, 座野都幾特別。

去到中正紀念堂, 睇左一陣d 阿兵哥, 佢o地就換更, 估唔到我o地咁?時間可以睇到閱兵, 因為之前都冇專登夾時間去, 到差唔多完左成個儀式之後, 個館長(?) 同我o地講話而家你o地去以映下相先, 好攪笑, 專登停低比遊客映相。

去完中正紀念堂, 諗住去搵擂茶飲, 點知...去到執左, 直情換左第二間鋪頭名....跟住就轉去京華城食左個叫碗邊x(唔識讀, 唔識寫, 亦都唔記得左個字係點樣), 麻麻o地好食。食完野去左兒童天地o個層, 入面好得意, 有好多隻可以坐的公仔車係個商場入面行尼行去, 原本想同蕾蕾一人坐一隻玩下, 不過好似好醜咁, 哈哈。原本想同個大波波映返張相先走人, 但搵唔到...

之後去左書局街睇書, 的士司機好好人, 我o地一講條街名, 佢就問係咪書局街, 落車前仲教我o地應該向邊面行。台灣的書局真係同香港好唔同, 間間書局都好多人坐係度, 搵到本書想睇就隨地坐抵睇都唔會有人話, 幾時見到香港會有d咁的情況。

買左好多書之後, 又要趕返去同蕾蕾阿姨食晚飯。去左天母的新光三越食泰國野，食完之後仲執齊野搬左去佢o地屋企。

五角銅版(座野太高, 同我企得太近的關係, 唔可以一張映晒成座野)

好巨大的國父

幾多人同阿兵哥映相...

紀念堂門口隻核突野

兒童天地的公仔車, 有好多唔同動物

2006-05-30(二)．大雨加寒冷．信義誠品

由星期日o個晚去到蕾蕾姨媽屋企就開始落雨冇停過, 今日都係。 但係有冇攪錯!! 都6月啦, 落大雨都算, 點解會好似冬天咁...係屋企入面已經好凍, 出到去著左長袖外套都勁凍。

尋日去完士林已經累到死, 今日蕾蕾姨媽話帶我o地去食日本野, 所以要5點幾6點要返到去, 所以我o地決定今日訓夠先起身, 同埋邊到都唔去, 只去誠品睇書買書。

今次我o地唔坐捷運, 因為由屋企行去捷運要15分鐘, 蕾蕾最唔鐘意行路, 同埋又落雨好麻煩, 所以我o地坐巴士。台灣的巴士好恐怖, 唔會等人行入d 先開車, 而且開車好唔穩定, 好震, 行到埋位坐抵前我都差d撞死-.- 好彩有位坐, 如果唔係50分鐘的車程我實仆死.....

午餐係誠品B2 食魯肉飯, 之前係香港見親都唔敢食, 勁油, 好似好核突咁, 不過今次見佢個樣都ok, 食落仲好好味, 佢個紅豆沙豆腐花都好好味。

夜晚同蕾蕾親戚去台北喜來登大飯店(5星級...)的桃山食日本野, 氣氛有d緊張, 冇咩人講野,傾計。仲得到個惡耗, 連日大雨, 我想去的苗栗水淹!! 去唔到士多啤利博物館啦>_< 雖然已經6月, 冇得摘士多啤利......仲有就係成個星期都雷雨, 唔通日日都好似今日咁又大雨又凍, 晴天霹靂......即刻灰晒。

好震的客運巴士

落大雨加好鬼凍(紅扑扑的華納威秀電影城)

我o地去o個間信義誠品

好好味的魯肉飯同糖水

2006-05-29(一)．大雨．西門町．士林夜市

一整晚都訓唔著, 床太軟, 枕頭太高, 成日俾人踢醒/.

一出去就去左西門町絕色影城買王的男人的戲飛(個名好似睇色情片的戲院...)。好奇怪, 冇得揀位, 講左時間同戲名佢就俾飛我o地, 仲諗緊係咪唔劃位, 任坐。點知睇o個時發覺...真係冇得揀位, 佢d 飛係由最尾排開始賣上去, 攪到成個院10幾行, d 人迫曬係最尾o個3行...奇怪...台灣睇戲都唔平, 一個人都60幾蚊。

買完飛係西門町行尼行去, 好似香港的旺角咁, 如果我o地細個d, 或者想買衫都算有野行的, 不過我o地就覺得幾悶-.-蕾蕾癲左咁狂玩夾公仔機, 佢好勁, 夾左好多公仔, 但好多間都係呃人的, 個夾升左上去之後會彈返開, 真冇良。太悶, 冇野可以俾我o地行到睇戲, 唯有去誠品行下睇書。

午餐去蛋蛋屋食蛋包飯。個飯唔係咁好食, 不過上面個可樂餅超好味, 應該係海鮮薯餅咁上下的野。

睇完戲去左士林夜市, 一出以為係街市, 行左去好遠搵勁都搵唔到, 行返轉頭先發覺原來一出o個度就係...行到又累, 又濕, 個身濕左一半, 對鞋襪都濕埋, 連相機都唔敢拎出尼。

註: 今日又做左d 低b野, 坐捷運的時候, 用優悠咭過閘(類似香港的8達通), 唔知點解拍勁張咭都冇反應, 換過部機都唔得。試左幾次之後先發覺, 我應該指張咭係個顯示器隔離個位, 但我拍極都係個顯示器上面...唔知有冇俾人睇到我做左d 咁疼的野-.-

我個可樂餅蛋包飯

幾層高的蛋蛋屋

絕色影城...

2006-05-28(日)．陰天．香港起飛

考完試, 等左1日, 終於可以去台灣啦。 勁興奮緊張, 第1次去香港國際機場, 第1次出國旅行, 第1次搭飛機!!

係機場拎落地簽証的時候, 我o地一次過俾晒身份証同錢俾櫃台伯伯, 但伯伯話未有得即刻拎, 俾左個牌仔叫我o地坐低等等, 拎簽証的時候先俾錢。咁我o地就坐左係側邊d 凳度映下相。等左唔係好耐就叫我o地個號碼, 行到去個伯伯叫我o地比錢, 我同蕾蕾係度對望, 心諗: d錢呢!? 跟住先醒起, 我o地將d錢放左係凳度唔記得左拎!!好彩冇俾人拎左, 因為附近都有幾個人係度, 2個人一齊留抵d 錢係張凳度, 攪到我o地同伯伯都狂笑, 仲笑我o地咁都得!

8點到可以上飛機, 機艙比我想像中大, 因為成日聽人話d 位好迫, 但我覺得都坐得幾舒服。泰航d 空姐個個件衫都唔同色, 好似款都有d 唔同, 有個空姐幾靚, 不過d 態度唔多好, 嬲爆爆, 又唔笑, 好似好悔氣咁。個飛機餐好好味, 泰國菜(?) 有好多蝦的飯, 個蛋糕都唔錯, 不過個沙律d 菜好似樹葉...

好可惜, 坐夜機都睇唔到香港夜景, 係空中望落去一定勁靚。可能因為天氣唔好, 途中幾次要戴安全帶, 好似坐過山車咁。到差唔多落機, 望到台北好靚的夜景時最勁, 不停急降左幾次, 一次比一次勁, 仲要見住窗出面一急降就黑曬, 望唔到d 燈光, 我諗應該係o係d黑雲入面, 好恐怖。不過亦都好攪笑, 因為有個細路每次一急降佢就叫"wow...", 好似真係坐過山車玩緊咁, 但最尾一下, 亦係最勁的一次, 佢就大聲喊左出尼, 哈哈。

去到台北機場排隊過關, 到我的時候, 個關員話我冇填到一張form 就扔左張form 比我叫我填左先, 好冇禮貌。跟住我同蕾蕾又要去填完再排過隊, 今次呢個關員好好多, 有d 我o地唔識填的野都幫我o地填埋。過左關之後蕾蕾阿姨,姨長就車我o地去佢姨媽屋企, 去到都差唔多12點, 沖埋涼就訓, 拎完d 咁重的行李都幾累。

泰航機艙, 好多紫色好靚

勁大支益力多...硬係覺得一次飲曬會肚痛死...

去到唔夠10分鐘就攪到人o地屋企咁亂, 哈哈