係機場拎落地簽証的時候, 我o地一次過俾晒身份証同錢俾櫃台伯伯, 但伯伯話未有得即刻拎, 俾左個牌仔叫我o地坐低等等, 拎簽証的時候先俾錢。咁我o地就坐左係側邊d 凳度映下相。等左唔係好耐就叫我o地個號碼, 行到去個伯伯叫我o地比錢, 我同蕾蕾係度對望, 心諗: d錢呢!? 跟住先醒起, 我o地將d錢放左係凳度唔記得左拎!!好彩冇俾人拎左, 因為附近都有幾個人係度, 2個人一齊留抵d 錢係張凳度, 攪到我o地同伯伯都狂笑, 仲笑我o地咁都得!
8點到可以上飛機, 機艙比我想像中大, 因為成日聽人話d 位好迫, 但我覺得都坐得幾舒服。泰航d 空姐個個件衫都唔同色, 好似款都有d 唔同, 有個空姐幾靚, 不過d 態度唔多好, 嬲爆爆, 又唔笑, 好似好悔氣咁。個飛機餐好好味, 泰國菜(?) 有好多蝦的飯, 個蛋糕都唔錯, 不過個沙律d 菜好似樹葉...
好可惜, 坐夜機都睇唔到香港夜景, 係空中望落去一定勁靚。可能因為天氣唔好, 途中幾次要戴安全帶, 好似坐過山車咁。到差唔多落機, 望到台北好靚的夜景時最勁, 不停急降左幾次, 一次比一次勁, 仲要見住窗出面一急降就黑曬, 望唔到d 燈光, 我諗應該係o係d黑雲入面, 好恐怖。不過亦都好攪笑, 因為有個細路每次一急降佢就叫"wow...", 好似真係坐過山車玩緊咁, 但最尾一下, 亦係最勁的一次, 佢就大聲喊左出尼, 哈哈。
去到台北機場排隊過關, 到我的時候, 個關員話我冇填到一張form 就扔左張form 比我叫我填左先, 好冇禮貌。跟住我同蕾蕾又要去填完再排過隊, 今次呢個關員好好多, 有d 我o地唔識填的野都幫我o地填埋。過左關之後蕾蕾阿姨,姨長就車我o地去佢姨媽屋企, 去到都差唔多12點, 沖埋涼就訓, 拎完d 咁重的行李都幾累。
泰航機艙, 好多紫色好靚
勁大支益力多...硬係覺得一次飲曬會肚痛死...
去到唔夠10分鐘就攪到人o地屋企咁亂, 哈哈
沒有留言:
發佈留言